क्षणभराची प्रेयसी...!!

क्षणभराची प्रेयसी...!!

जोगेश्वरी वरुन अंधेरी डाउन ट्रेन पकडली...बसून मस्त प्रवास होणार
होता....गाडी अपेक्षे प्रमाणे प्लॅटफॉर्म 2 ला जाऊन स्थिरावली...अंधेरी
वरुन सुटण्यास गाडीला 5 मिनिटे अवकाश होता. सहज म्हणून प्लॅटफॉर्म 1 वर
लक्ष गेले. एक सुंदर तरुण मुलगी बोरीवली ट्रेन साठी उभी होती. विवाहित
पुरुषाने तरुण मुली-ला पाहायला आपल्याकडे कायदेशीर बंदी नसल्याने मलाही
कायदेशीर व नैतिक दृष्टीने अयोग्य वाटल नाही.

मी तिच्याकडे पाहत असताना तिचेही माझ्याकडे लक्ष गेले. मी न पहिल्या
सारखे करून मान फिरवली अन तिनेही....पुन्हा 5-10 सेकंदाने तिच्याकडे लक्ष
गेले अन सुखद योगायोग म्हणजे तिचीही नजर माझ्याकडे वळली....पुन्हा एकदा
नजरा नजर....अन त्याच दरम्यान बोरीवली गाडी प्लॅटफॉर्म 1 ला लागली आणि
आमच्यात नजर संकट कोसळले. आता ही बया बोरीवली लोकलसाठी थांबलेली अन गाडी
प्लॅटफॉर्म वर म्हणजे क्षणभराच नेत्रसुख गाडीसंगे निघून जाणार....
प्लॅटफॉर्म 1 वरुन तिची गाडी निघाली....का कुणास ठाऊक, मनात विचार
आला...कोण कुठली ती...काय सबंध तिचा...थांबेल का ती प्लॅटफॉर्म वर एक
स्मित हास्य देण्यासाठी...काहीतरीच हा विचार...का बर थांबणार ती....सचिन
मेंडीसला स्माइल देण्यासाठी....वेडा विचार....गाडीचा शेवटचा डब्बा पास
झाला....मी क्षणभर मिटलेले डोळे उघडले अन प्लॅटफॉर्म 1 वर नजर
टाकली...अरे देवा ...ती तिथेच उभी होती....त्याच जागेवर....बाप रे, हे कस
काय शक्य आहे....पुन्हा नजरा-नजर झाली.....अन पुन्हा मानेची  फिरवा
फिरव.. जसे आमच्या गावीच नाही....

क्षणभर डोक्यात टिक टिक वाजली...अन धड धड वाढली ठोक्यात....माझया विरार
गाडीने होर्न दिला अन गाडी जागेवरून हलली.....तिला जाणवल बहुतेक
ते....पुन्हा तिची नजर वळली अन निरोपाचे एक स्मित-हास्य तिच्या
चेहऱ्यावरून ओघळले.....प्राजक्त फुलावा तसा चेहरा फुलला तिचा...5
मिनिटाचे नाते...कोण..कुठली...कस...काय.......क्षणभराची प्रेयसी
म्हणू तिला....अजूनही टिक टिक वाजते डोक्यात....

घरी येऊन अर्धांगिनीला हा प्रसंग सांगितला....तर तिने डोक्याला हात मारला
अन प्रेमाने म्हणाली....सचिन साहेब, ही 'दुनियादारी' बंद करा....अन
उद्यापासून डाउन ला जाऊ नका...उगाच लाइफ मध्ये अप-डाऊन नको आता.