येशू कितीदा...?

येशू कितीदा...?

शेजार्याना आम्ही दूर सारुनी

जाणूनबुजुन मनी वैर धरुनी

रुतुत चालले पापाचे चाक रे,

तरीही 'अजाण आम्ही तुझी लेकरे' !

तुझ्यासाठी नसे आम्हा वेळ

तुझे बलिदान, आमुचा खेळ

तुला नाकारुनी, बनूनी आम्ही राजे

गीत गाती 'तुझियासाठी जीवन माझे' !

गलबत भरले आमुच्या पापाने

कितीदा माफ केले देव बापाने

तरीही आळवीती गीत आणुनी मुखी

'सुकानु घे रे प्रभु तुझ्या हाती' !

गरजा आमुच्या देवपित्याकडे मागुनी

कायमचा राहिलास तू क्रसावर टांगुनी

आम्हाला ते काहीच ना कळले

कळले ते फक्त, 'ह्या दासाचे भाग्य उजळले' !