koi bakra nahi mila ka aaj?".....

Ø  Shimukaka sa dolya aapreshan kelta...ghaaras hoto...jaalta ka..shimukakala 'bhay' hadyashi hoti mombay ne...ka karyasa...shimu-sa aaha jalta...mag ka....ekus mahnu hoto madatila....one and only 'Babukaka Ludric'....shimune babukaka FB wall var post kela...'Bhay want, come fast'...Babune andryala missed call dilo ani doge Shimudari gele...Shimune babula goregav shya tabelyao address...Bhay she 2000 ani tempo karta 200 rupaye dile....duhrya diha hakote Babukaka ani assistant andrya goregaon la posle...tabelovalyane hangila tume tempo ghevon ya topasryat me bhaysa waxing karon gete...jala babu-andrya nigale tempo jugaad karyado...rastyat tyana dukan dikhla...'Sarkarmany deshi daru dukan'...aate kay hangya pay ga...andrya tondala pani...kal padlo toho....behle doge...ani tempo aa bhada jagya lagla....aate ka karyasa...khishat nay damdi ani hatat bhay tambdi....nyashi kahi....babune dokhyat plan kelo....(Babukaka ka dimag 4G se bhi tej chalta hai)...andrya, ghe bhay railway station la...chal local-la....andrya ghabrlo...hangate nay....bhay..not allowed in local train...its offence as per law....babu replied..'200 de ani kayde kar'... Jala, doge bhayla ghevon platform no.1 var virar slow train sha luggage mine sadle...

deva krupene virar paryant kun aala nay...gadi virarla posli....gate var bagite tar 4-5 T.C. Jala ga...aate ka karyasa....1000 rupaye dand ani 3 mahine jail....ka karyasa...pan haar mande to babukaka kaho...babukakane hangila 'andrya, wait...don't worry...hold this bhay....mey yete'...babukaka gelo station master sha cabin mine...station master Mishraji samushi khatoto....babune tyala hangila...sir, myself babukaka...born & brought in Virar...need ur help....Mishraji boylo 'ka help chahi?....babu hangate..."Mishraji, hum hamar bhay ko...I mean...hamare bhais ko bambai leke jana chahat hoo...local maa...abhi usko luggage me chadhaya hoo....to tanik koi prablem toh nahi"....jala mishraji tondashi samoshi baar aali...'Nahi, nahi...bhais ko nahi le ja sakat hai....uttar do"....Mishrajine don hamaal barobar ghetle....ani babu barbar dhav ghetli....luggage sha dabya pa...hamaalane vyavastit bhay dabbyatne utravili ani gate sha baar kadon dili....kam fatte jalta ta bi fuktat....jatana babukakane TC la haak dili...."Ka ho dubeji....kaisna ba...sabkuch thik-thak to hai....koi bakra nahi mila ka aaj?".....

Babukaka hangate...

Ø  Babukaka hangate, Ayushyat saglyos goshti manaharkhyo hoat naay...kate sandhi jaate...man ranji hote...pan aapun ka manyasa ja jala ta barya karta hote....aates aaytvarsas udaran ghya...bajara mavra hadyado jara vakhatus jalo...me poshe to babua mates-ne shevatshe pas kalavte charshela pishvit takile an mavar havun nigon gelo...ma man ranji jhala...bumbool ghevon ghara aalo... Hakote anglyat mates bhetlo..to hangate sachin mandav modlo...kalshe kalvate laglele....baikune harkatila...hangate kalvate nirkhile ga kolan nirkhili...vaat saaf lagli...mala ma boombla rasai athvan aali...ja hote ta barya karta hote....aate duhra udaran...collegepasun ek pori avdyashi...thodi bhavdi hoti...bavdi kado bhaikhalis hoti...pan avdyashi...nirop dhadlo...an nirop paratu aalo..man ranji jhala...  Devala dosh dilo...ajun kay kami tar mav dushman joe hari tia hayra jhala...khara hangyasa tar maee bhay panyat bhaeli..... Don mahine hot nay tar baatmi aali...joe sa hayra hutla....bhaikhaline officeminsha bangalya barobar court marej kele.....mala nirop parat ghevon aalelo tatyo devmahnu vatlo...ja hote ta barya karta hote... Man ranji karyasa nay..Aate ajun ek udaran...gelya vahri devlat natak hoto 500sha tikit ghetlota...paylya rangesa...mey poshe tar minsha khurshit elis yevon bhealo...elis sa maa paylya pasun vakta...to shiti valo an aapun swabhimani... Mokyaee khurshi ti pan virodhkane patkavili...man ranji jhala...pudhes pan kopryat bhealo...odyat ka jhala elis pay ghavit baar nigalo...bagite te...elis sha khurshi khala kutryane kaam kelta...elis ne cake kapilto...mala maee kopryashi khurshi aamdarai vaatya lagli... Aate porano yaatne ka bodh ghyaso to jyane tyane tharvyaso...ja hote ta barya karte hote...ja jala nay ta vaait hoyta mhanun jhala aaha samjasa aani simon hangate taha jivanao (hukya nay ayushya) anand ghyaso!

Time mile nay

Ø  Mitrano, aapli kaymshi takrar hate ki aaplyala time mile nay....khoop goshti karya vatatyat....pan time mile nay.....khara karan time nahate....khara karaan hate....aapli ti gosht karyashi prabal echhashakti nahte....english mine hangatyat na.... Will hay tade way hay....Aaplo will kami padate ani aapun vel nay ahaa hangatyao...... Tyas barobar aapun aaplya bhovti jaam kumpan tayar kartyav...Aate baga mala gelya velela golpyashi tadi pyashi jalti (Simon tond band kar) pan time nigat nota....khara manje time kadu shaklo so pan will prabal nota....mag ek di ka kela tabyaat bari nay hangon taas lavkar nigalo ani 6.30 la golpyat tadak gelo.....ani mast don glass tadi pili....virar ne yetana mast bolinjvarne vade ghetlote....tikhat pan kha vatnya harke.....hanchaparsa vara....abhorso chandra....baryas dihanantar chandror- shi gaay nirkhon bagili....kode vahre jaale bagyado time nota.....golpyasha ughadivar pahalyat garayne shivne pakdyashe aame....tya ughdivar dagdor javon behlo....tade behlya behlya 10 vi batchsha shar-pach janala fone kelo...koda mast vaatla....aapun barkya barkya goshtiso anand ghyado bahalyav ani jasti bhautik goshti pathi laglyav.....mall,mobile.laptop, funfiesta....sagla artificial life karon takile....aate tharvile...time kadyasa....laanpani jade jade maja kele...tade bhet dyashi ani june dihi athvyashe.....shisho....ambe....bhovre...chinyo-gote...bille...chatur....pating....viti-dandu....henkalimine lapashapi...abaadubi....khamm khamb khambodi....pairyav bail.....vata-te jar will hayde tar time kadon hya saglya goshti-tne aapun anand ghevu shakatyav....tumala ka vaatate? Mala hanga!

"Babu meets Bapu"........

Ø  "Babu meets Bapu"........Babukaka kal hanchaparas misala javon aalto...manun aaj aaytvare kay lavkar uthlo nay....sadharan 5 vajta babukakala hak aali....babu...babu....babukakane....dolyorshi solapuri saadar kadli...ani samor bagila.....tar ka? Sakshat Rashtpita Mahatma Gandhi.....its simply 'Bapu calling Babu'.....babukaka chakit jalo...tadkan uthlo ani....Bapulaa jadooee zappi dili....patkan bapuaa paya padlo....ani bapula wish kela...aaj 2 Oct...Gandhijayanti....bapuso vaad-dihi..

 Babukaka bapula hangila...aaj sakshat rashtpita ma ghara.....mala vishwasus bhe nay.....bapune halkasa smit kela ani...babula hangila....babu bag...me deshao rashtpita hayde te tu pan kay kami na....tu kupari samjao pita ha...u know 'bapu-Babu same same'.....babu hahalo....ani achanak babuo chehro gambhir jalo.....Bapuaaa lakshat aala....babu ka jala? Bapune visarla......babu hangate 'bapu tua time chuklas....2 October ee kay birthdate jaali ga..... Kal janmala aaloso tar kadachit kamgar-neto jaloso......ani ek dihi late janmala aaloso te....lokneto'...ka kamavila tume bapu?.....fakast notivarso photo.....babuo awaj gambhir jalto....bapu, tula hango ga tu ayushyabhar saty ani ahinsa agrah dharlo....ani notivar prakat jalo....tya dogane saty an ahinsashi I-Z keli aani bapu tyos photovale noti kamavilo....bag bapu akhya vasay-virarla kunay photo laglyat....tuye ga tyaye.....bapu punha hahalo....babu, tua jala bolon? Aate mey bolo......bapune bolya survat keli....babu, jigala log aaplo swabhiman...aaplo aatmo gahan thoytyat tigala ahas hoysa....tumse 7 kuparis bag ganay...oda sagla jala pan...hepti halvyashe kay thamble nay.....ohunde...naraj hovo naka....khota ja hate ta temprary hate, nakyor zadala bandilelya bannar harka...aaj na udya kaadla nay te fadla jayde..pan saty shashwat hate.....notivarsha ma foto harka.....babukaka, tu swabhimani ha....satyabajune re.....notivar reda....thodo dhir dhar.... kaala pudhe kun rela nay...nay sikandar nay akbar nay hitlar....kaala pudhe 7 heptyo pan ryasho nay......ladto rey...mey tua pathishi hay....

 

 babu....babu....uth aate...8 vajle...marikakay devlatne aalti....tine babu nijyatne uthvilo...babu uthlo ani tiaa tondor bagila....marikakay so swabhiman chehryor talpato....babune marila jadooee zappi dili ani boylo....happy birthday!

 

Tension

Ø  Babukaka aaskal tention mine hoto...don hokre 32 shye jalte ani varadle

 note...thodkyat hangyasa tar athvare hote...babukakala doghe dikhle ga

 dodya mandvat biyala thoylele dodi vatyashe...sagla paltha ghayla

 babukakane...agashgi te koliwada...kami ga kay tar nashik, kalyan,

 alibag, nagar sagla paltha ghayla....pan kay val-la nay....ka kunas

 mahit babukaka manat ek bhannat kalpana aali...Chiana varne poryo import

 karyaso...ghabraat ghabraat tyane marila idea hangili...tila dukhrya

 kambryaee athvan karon dili....tine pan visar kelo mavra nay tar

 load-mavra...

 

 babukaka laglo tayarila...aate magvyat tar ekdas 10 magvo ...olkhishe

 athvare varad-dyat...an ayushybhar fuktashi gavthi....babune

 athvaryadharne lakh lakh rupaye ghetle...babune bijingsha bishopla

 contact kelo...tyane hangila poryo sukhi thoydya tar kaam karte...jhala

 chinatne container nigalo... babula kala-la custom min-ne kune tari

 poryo hodvya lagedyat...babulkakala mates-nana athvalao...mazgaon dockla

 saheb to...phone lavilo...sagla hangila...mates-nana hangate kaam karte

 pan ma-ye 3 por athvare haat.... 3 mala O-baay dya lagedyat...babune nay

 nay kela...tadi pajyashi kabool keli..pan mates manlo nay...aate pudhe

 paryay noto...done jala...custom sa khapla tar aate mumbai polisa

 problem...ka karyasa..babula mahit hota SVS shi polisamine olakh hay

 tyane mala contact kelo...kanor ghayla....aate baga...aaplya sanghtnet 3

 jan athvare haat...tya pan bagya lage de ga naay....shevti mauko

 aale...SVS majboot keli pay...pudhe panchayti electionla mahila umedvar

 pan mildyat...foren sho....Babune ha na karta karta ok kela...aate

 problem...dahisar check nakyor ne sahisalamt nigyasa....mavshio elis

 check nakyor hoto...ani tyala doni poryos....tyamule dena gena

 nota....tyala phone kelo sagla hangila....pan bhay panyat bhyashi ti

 behlis...elis sha harodi-shey don hokre athvare hote...elis ne

 harodi-var aapli pakad majboot karyashi sandhi sadhili ani babukakao

 ghaat kelo....pan ja hote ta barya karta hote aha samjon babune man

 dolvili....10 minsho don reltyo....babukaka dolyasamor mandvashe don

 dodi aale...gham futlo....

 

 sagla tharlyapramane jala.....dahisar cross karon yado 8 vaton

 jaltyo.....babukaka jam khush hoto....ching-ku-lee ani fu-ku-lee ya don

 O-baay la ghevon babukaka nalasopara poslo....pan mandav modya so

 hoto....to modlos...tade dockla container futya sha agodar gavat adarsh

 ghotalya-ee batmi futlo-ti....jya 8 athvaryadarne babune lakh-lakh

 ghet-lote tyane babula hoparatus gathila...ani jaam tupasho rotyo

 khavadlyo.....mang ka...O-baay hopar police stationaat ani babukaka

 kharde doctor tade admit...saglo satyonaas jalto...hakotes babukakala

 bheton aalo....babu hangate....Sachin, ka hango...pore vardloshe tar kay

 faydo...ani nay faydo tar ka faydo....mey maan dolvili.....dolyasamor

 mandvashe biyala thoylele dodi aale.....tey eka mandvatne duhrya mandvat

 jashi vaat bagito-te!!

Babukaka nigalo london-la!!!

Ø  Babukaka nigalo london-la!!!

 

 Marikakayshi ben-lek london la settle jalti...marishi ben gelyapasun mari-s tiyi aay jalti...aate jalta ka ben lek balat jalti tar...marikakay la jana aalas...babukakane  doghavo passport kadon ghetlo....michel travel ne tikit kela ani visa karta apply kela.... Babula simon ani Rubs ne hangila ki UK consulate mine interview la ja lagede...jala tayari suru jali..simon/Rubs ne modka todka english hikvila....bishit-vare date milali.... Babu-mari timeor posle....goryane interview salu keli.... Yes Mr.Babu....how do you do?....babune marikakay sha tondor bagila ani.....boylo.....do..do...well do....Tell me babu what is ur purpose of visiting london?....marikakay la purpose manje purse vatli...tine purse ugdon dakhadli....pan...babula samjala...Simon ne hangilta....tume kado sal-le ta visardyat.....babune uttar dila...Sir, marikakay benlek...in london.....sizaring.....kyav...kyav....barka baby......no dadi there....marimavshi only....for help....mandula washing......Oh that's great...going to help ur relativers....tell me babu...what's ur job in india?....babula Rubs shi athvan aali.....babune hangila....Sir, I farmer....selling bonde, mogro....dadar market....12 big containers (local train)...daily up down...oh that's great...u are businessmen babu!! What marikakay  doing?....jala ga....babula simonshi athvan aali.... Marikakay running deshi liquor business.....jamboo, kaju....but gelya vahra sa recession ....dhando closed....oh.sss that means you had great loss....poor balance sheet...babune hangon takila.....last question babukaka....how much 'Money' u r carrying with you?.....jala 'Mani' aikon marikaky sa pitt khavla....kodlya babu....tua sokat jala  re.....tua ani 'mani' lafda london la posla re....odis bari vatate....tar 'mani' las ghevon jay.....marikaky ne don tya gorya kanfatat dili.....fudgudya....bhangya.....bi kunala hangila tar......koyti ghevon tuee xxxxx kapine....interview khapli....visa reject jalo.... Babu-mari....back to ghari....

Babukaka in KBC:

Ø  Babukaka in KBC: Deviyo aur sajjano aaj hamare sath hai vasai ke kupari samaj ke sabse famous paswale....Babukaka...ye roj virar se dadar tak....fool leke jaate hai....enke saath hai enki dharmpatni.....Marikakay....bhabhiji....pranam....ha ha pranam amitabji....tu aaiso navro....harivanshray bacchan ka kavita livito to.....jatto amshya sachin harko......Kuli mine kuhat futlota ta bara hay na?....ha bhabiji....aur babukaka ke sath hai unke paramapriy mitr Andrya gholewala.....jo....bina investment roj hajar kamate hai....andryaji kaise hai......ye lamboo jam bharis...time hayde te maa barobar hanchapara khole kapya ye.....bonde padyado nihan nyado naka......bahot bahot swagat babukaka ka.....babuji...aapka pehla sawal...10hajar rupaye ke liye....aapne pehli bar kis-se pyar kiya tha?......a)Kati, b)Mari, c)Dumi ya d)farshi.... Pehla prashn....kafi kathin hai....kaunnsa sahi jawab? ....babukaka batayeeye.....babukaka....amitji....aap B...mari ko lock karo.....odyat andryao.....od-date....khota khota khota...saaf khota....aishwarya haryando.....yane.....kati, mari, dumi ani farshi ya saglyana nirop dhadlote.......3 parat aale....mari-var nem laglo....babukaka out!......

Baukaka ani gavshya kutryao 36 so aakdo

Ø  Baukaka ani gavshya kutryao 36 so aakdo…Kutra bagila ga babukaka-ee talpaya-shee aag mastkaat sadyashi…..kutrya community mine babukaka ee jam terror hoti…lambne kadne kutryala babukaka yetana dikhlo ga kutyane rasto badal-lo manun samja….aate es baga gani…babukaka lagin..savta babukaka-aa…devlat lagin lavyado babukaka poslo…tar kay devla payrivarvar kutra behlela babula dikhyasa….kutra pan ghaalveda…tyala duhri jaaga kade noti ga….jala babune hatirwalya darne hatri ghetli ani tyao dando kadon tya kutrya pekatat ghaylo…ani laglo tya mage….toh par tya kutryala JP nagar la posvon aalo…ade marikakay…sorry navrikakay ani father missala vaat bagit thamble…..babu hangyaso ma baaje vajle nay vajlee..gavsha kutrya baaje vajvile paat…hangyasa manje Baukaka ani gavshya kutryao 36 so aakdo… gavat kuna lagin manje kutryav han….muttona bhanda ani kutrya naak Bluetooth ne pair kelya harkha…ade bhandyat mutton takila ga..gavshya kutrya nakala sms jaso…ahes ekda  gavshe sagle kutre lagnaa ghara jivya nigalte….odyat ek senior kutra tyanna hangate….’arry, murkhano, tumala kuna vedya kutryane khale ga ka?, lagin kuna hay maahit hay na? babukaka pora, pot fadon tumshya potashe hade baar kad-de to….niga akkarmashano…sal-le lagin khado….thodkyat hangyasa tar kutri pilala nijvitana hangyashi ki ‘door kisi gaav me shota kutryacha pillu rota hai te kutri maa kehti hai..so ja nahi to babukaka aa jaayega…..hangyasa mhanje babukakala samast kutrya jaatibaddal extreme nafrat….ekda ek kutri babukaka anglyat pendya fatit vyado aalti ani jam od-datoti….jala babukaka talpayaee aag mastkat sadli….otyor aalon kutrila hangate…..’ kala, aate babukaka navane kado radata….jigala gavshya kutryabarobar….kakdya mogryat firatoti tigala….tigala kate babukakala hangon gelti ga….aate kado maa anglyat aale…..jay tade desai nay te joglekar dari…. Ekda babukaka nakyor mavryala jaa lagloto….cycle var….gavshi vehi par kare ga nay toh cyclipudhe ek kutra aala ani babukaka cyclevarne khala….jala babukaka ee talpayaee aag mastkat sadli….cycle tahis thoyli bajula ani rastyor so nalao pairo ghevon babu laglo tya kutrya maage….kutra pudhe ani babu maage….babu mage ani kutra pudhe….rastyor ne ghusle te bhataat…bhataat kelitne kakdyaat…kakdyaatne…pudhe valaat…pan babu kay dhavyaso thambe nay….aaha karta karta…..kutryane ekdum break marlo….kharsssssssssssss….kharsssssssss…..pudhe bhoti baav aalti….pudhe baav mage babu… mage babu pudhe baav … kutryapudhe kathin prasang aalto…kutryane ekda mage babuvarti bagila ani….jee udi marli tee baavit…..jala ga…haar mande to babu kaho….babune pan maarli udi baavit ani tangde dharon kutryala baar kadla…..tangde humbdiye bandile….ani kutryala gava vehivar hadla…tades jade babula padlota tade….babukakane andryala nirop devon kudal ani paray magvili….mast barko khaddo kelo…..ani kutrya fakt dokha baar dhovon baaki aakhaa aang jaminit gaadla….kutra jam kekatota….pan babula kay tyaee daya aali naay… ajun pat ta kutra gavsha vehivarti ardaa gaadvilela hay….ani babua gavaat tas ek shevtsa kutra rele…

Maan Sanman

Samajat maan jya tyala veg-veglya thikani nir-niralya padhatine gya vaatate...kunala lagnat cake kaptana bolyado...kunala gavaat tes kartana..kunala khachyor prathna kartana...tar kunala devlaat kashin firvyado...tya tya thikani ani velela te mahane dikhle paat....aate hangyasa manje Andryala sudhha eka goshtit maan ghya vatyaso...tume kalpana nay karu shaka....gavaat mayat jala ga board maryasa...amuk amuk...naav, vay...janm-mrutyu...missa...satvya...font size pasun...font type sagla andrya fix jalta...kun marate kate ani javon board livite kate aha andrya vhaysa...kun jastis shik padle hayde tar andrya don dee adhis chalk hadon dovyaso...tar andryala yaat maan vatyaso...board livitana char da puhyaso...mag punha livon jala ga...pach foot mage ubo revon bagyaso...kana, matra, velanti....sagla manaharkha jala paay....zani melelyane vehivarne jatana uthon board vason andryala hange 'andrya, ka mast board marle...aate ma aatmyala shanti milde'.....board marla ga andrya kay ghara jayde tar kharo......boardsha aaju baju ubhi....kun ka bolate...ka comment karte....kun like button click karte ga....jala ga zani lok mayata tond bagya nay ya board vasha aalyat...andrya kuna marnor gelo tari kishat don chalk ghevon jaso...zani board laglo nay tar peti tukyashi nay...pan ahunde... jyala tyala tyav maan....Babukaka-la ee kay avdyasa nay...ka ti vedigiri.... Yala addal ghadvili paay....

 

 Babune plan aakhilo...ekda hakote char-la babuka uthlo...ani andrya ghara gelo....Andrya...andrya...kay kal-la ga tula...andrya hangate ka jala babu...hakote hakote? Andrya, degubaba gelo....laag kamala....degubaba manje fargoshisa navajlela prasth...samaj seva mandlao maji adhyaksh...jala ga...andrya mana time...andrya laglo kamala...Dukhhad nidhan ..degubaba ludrik..vay 68 varshe...alpasha aajarane nidhan....board livila ani gavsha vehivar nevon thoyla.. Jala ga...hakote devla janarya lokadarne baatmi pasarali...bhuigaon pasun aagashi paryantsha fargoshi she log degubaba ghara....degubaba nijyat-ne uthlo....bagite te ka? tya marnor obda lok...mates, john, night karon aalte ani nijlote tyana kune uthvila....ani bombaat padlo....kune ee saavat pana kele ta kalya time gela naay...andryane babukakavarti bote kele tar babukakane kanor haat thoyle...mala kay maaeet nay....jala...mates ani john ne andrya dho dho dhoylo...khadu modtyat tahe andyaye haade modle...hancha para gava vehivarti board lagla..".dukhhad ghatna nav: andrya kholewala vay 54 varshe...alpasha marhanine sanjivani hospital madhe admit kele aahe"....lok jata yeta board vason aahatote....ani ghara babukaka chalk ne liplele haat dhovya lagloto......

बाबुकाका इन मंत्रालय

Ø  बाबुकाका  इन  मंत्रालय ek vinodi article in kupari language:   

Babuka ee virar east la ardho ekar jaga hoti pan gelyas athvadyat tyala kalala ki satbharyor shey nave gayb jalyat ani virar valyaey nave sadlyat. Babukaka bitharlo...andryala bolvila...kay tari kela paay...Shimala nirop dhadlo...Andrya hangate talyatha dari jaav...Shima hangate tahsildara dari jaav...pan babukakala mahit hota tade javon kay faydo nay..tadak mantralayatus gela paay...

duhrya diha babukaka andryala ghevon Mantralayat gelo....Mahsool mantri balasaheb thorat sha barobar mari biskit khatoto....Andrya ordalo...cha mari...o biscuit pan khate ga?....Babukakane mantryala aapli kaifiyat hangili....mantryane babukaka arjavarti shero marlo...'Yogya ti chaukashi karavi' ani arj shipayapa dilo...tyane toh file kelo ani tyavar 'Adarsh' ani 'Lavasa' ee file thoilee. Andrya ordalo...'What a shame'?. Mantryane dogala baar hakal-la...

Babukaka tadak gruhmantri Aaba Patladari gelo...Aabane babukaka var bagila ani kishatne tambakhu dabi kadli...pan tambakhu kay nota.....odyat andryane aaplya kishashi pudi kadon aabala dili...aabane thoda thambakhu ghevon andryala pudi parat dili....Andryane aakhha thane police kishat ghaylya harka ta pakit kishat ghayla....manat sha manat andrya boylo...hakote vasai samta la heading yede ' Maharshtrachya gruhmantryala Vasaichya Andryachi Nasha'....odyat Babukakane sagli hakikat Aabala hangili ani polis karvayee karyashi vinanti keli....Aaba hangate babukaka yaat ka vishesh 'Bade bade shehro mey ase shote-shote hadse hote aahe'.....babukaka potat hadso jhalo....ye sagle tyashesh aaha hangon babukakne upmukhyamantri ani urjamantri ajitdada pawar shi kebin gathili....tar tade aakhho kalokh....andryala vatala aayla urjamantrya cabin mine 'urja' nahate ani aapun light geli ga bomb martyav...aapun samjon ghetla paay....babukakne bagila tar cabin shey AC salu hote pan light band keltyo...kalokhat kala sal-lota...Tatkare ani Dada behon kay hishob kartote 920-930...andryala vatala...dadane tatkare darne uhne paishe ghetlyat tyav hishob salale...pan babukaka dokhyat prakash padlo...kalshi IBN varshi baatmi..."Pathbandhare mantri Sunil tadkarechya mulachya naavavar koknat 930 ekar jamin" .....jala ya kumpana haatatne aaplya heta rakshan hovu shake naay ee babukakala kalala...

Andryane Bhaula phone lavilo...pan bhau tade kade wada-mokhadyala uposhanala bhelto tyamule talk jhalo nay....mag babukakane tadak CM shi cabin gadhili....bagide te CM mathyavo bhang padto-to, kate ubho kate aadvo....andrya ne visar kelo ade rajya ubha-aadva jhale ani yala ade mathya padle....gharne yetana nala hira khadon hadlosa te ya ade matha dhovon kadlosa...CM ne babukaka dari bagila ani hangila....kuthche tumhi ...andrya hangate...Virarche...odyat CM ne virarsha loknetya vadhdihavso tya barobar kadlolo photo bhitivar dakhadlo ani visarla...kay jhal? Babukaka hangate..Saheb, mazi jamin khali....CM jorat halo....tyat kay moth...ekade sagle khaylach baslet...aata mazi ekdachi khurchi khalli...ki mi delhi jayla mokla.....  Andryala vatla ya maathyat chumgum chiktvon tako ga ka.... Babuka shidlo hangate ya mantralayat mala nyay milu shake naay....sal andrya ghara......doghe khara posle....hanchapara andrya dhavat dhavat aalo....babu babu mantralayala aag lagale....aapun thodkyat vaasle.....babukakane tya tondor bagila....kishashi bidi kadli ani petvili....ani bodho jhurko ghetlo.......babukaka rilax jalto....Andrya bidit-ne yenarya dhoro-r bagitoto....mantralayatne yenar dhor ani bidisa dhor same dighatota........