'Rony ani
Ruth' ekdam chikni jodi....dogha college pasun prem.....aate doghe nokri-la
laglote...Rony hotel Oberoi la hoto ani Ruth aided shaali-t teacher....ghar-ne
mag dogha hayra karon takila....ani lagnayee tarikh pan pakki keli...
Rony ekdum
romantic....Ruth la kade nev ani kade thovo aha hoysa tyala....toh Ruth dari
baryach xxxxx goshti-o agrah dharyaso pan Ruth hangyashi....'Bible ka hangate
lagna agodar ee sagla apavitr haay'....tyala dada-baba karyashi....'array fakt
pach mahine thamb....aalas aapla lagin javal.....mag sagla tus karta'....
Tya diha
Rony ani gavshe pore anglyat cricket khelatote...hegta jhada-varti ek kalo
bhokho behlto....pora-ne hangila....'Rony, hegta fatyor bat mar....fatya hari
khala yede bhokho...jala...rony ne bat fekili hegta fatyor....pan aghatit hoysa
hota....ti bat javon tya Bhokya dokhyat behli....bhokho khala padlo.....Rony
dhavat gelo....Bhokya-ye dole Rony var bagitote....Bhokya dolyat ne lal lal
ragat aala ani bhokho jagsha jagi melo.....bajushi marshi kakay boyli...'pora,
ee ka kela....yavo shap nade tula'.....
3 mahine
nighon gele....Aaj shanivar Rony la raja hoti...Ruth-ne shalit-ne phone
kelo....Jivan darshan kendrat ne phone aalto tila...Ruth sa baptisam cerificate
miss jalta...ek copy pavti....Rony ne harodi javon copy ghetli ani Jivan
darshan kendr gathila...kam ok jala......ti raat 'amavasya' ee raat hoti....
Girij dongrit kalokh kitt...Rony gadi jasti speed mine noti...achank tya laksh
rastya kadyor sha dagda-var gela...don lal dole tyavar bagitote....tos toh
'kalo bhokho'.... Odyat samor-ne yenarya tanker ne Rony la udvila......aghatit
ghadla....Ruth... Ruth....Ruth...mala mithit ghe...mey maryaso.... Ruth...I
love u.....Rony dolyatne lal ragat nigatota....Rony o khel khallas.....
Ruth sa
ayushya barbad jala ....maynya-var lagin aalta....Ruth manje ek jivant mud-do jagatoto.....vahri
bar ruth sha ghara shukshukat hoto....pan tarun pori kiti vahre ghara thoyashi...Ruth
ne swatala savarlota....shevti church-sha father sister ne Ruth shi samjut ghalon tila
duhrya hayryala tayar kela.....hayra jala pan Ruth sha chehryor kadso
anand...dole udaas udaas....tya navin pora nav Sunil....toh Rony la shali-pasun olkhato-to....Sunil
UK la hotel la kamala hoto....10 diha agodar aalto...pudsha mahinyat lagin
karon tyala tabadtob jasa hota UK la...lagnayee ghai hoti mag kuhno sunday ani ka....jo convenient hoto to pakdlo…aate
tya diha amavsya hoti pan aapun kupari lok ta kay mantyav ga.....
Lagin jorat
jala....Aaj shi raat...Sunil ani Ruth doga karta vegli hoti....Suhag raat tyanshi....bed var gulab
paklyo takiltyo....Ruth-ne varsha gholit javon change kela ani Sunil shi vaat
baghit behli....Sunil la UK varne phone aalto...network nota manun toh anglyaat
aalto...UK sha Hotel shey staff wish karto-te....20 minte sunil phone var
hoto....ade vaat bagon….Ruth sha
dolyaat neej aali....
Sunil ne
phone thoylo ani toh jinyor sho payro sadon varsha kholi pat poslo....rat-kidyao 'kir..kir' awaj
yetoto.....Sunil ne kholi-o darvajo ugadlo.....ani samor ja tyane bagila
ta.....ta khoop bhayankar hota....Ruth palangat nijloti....anga-varti ek pan
kapda naay...nir-vastra....othayee lip-stick vikhurleli...mathyat-so ambado hutlelo…manela
lal daag....moklya shaati-var garaate kadlele....paya potrivar...lal
khuni....ani Ruth sha chehryor ek vilakshan samadhan....Sunil ne jorat haak
dili....Ruth....Ruth....ka jala?....odyaat....palanga khalne ek ‘kalo bhokho’ udi maron
khidki-var sadlo.....Sunil tya bhokh-yor bagitus relo.....Bhokhya lal Dolyaat
tyala 'Rony' dikha-toto!
No comments:
Post a Comment