गर्दीतले एकटेपण !

गर्दीतले एकटेपण !

तुडुंब भरलेले रस्ते;
उतु जाणाऱ्या गाड्या
अन
एकटे चालणारे असंख्य चेहरे.

प्रत्येकजण धावतोय;
कशाच्यातरी मागे
स्वताला सिद्ध करण्याच्या प्रयत्नात
दमवून घेतोय,
आयुष्यातील अनमोल क्षणाला

गर्दीच्या ह्या दुनियेत;
फक्त अंतर वाढत राहते.
कशासाठी धावतोय, कुठे पोहोचतोय;
कळेपर्यंत, अंतर वाढलेलं असत;
अन आयुष्य संपलेलं असतं.

जे सोबत होते;
ते एक तर पुढे गेलेले असतात;
नाहीतर राहिलेले असतात खूपच मागे,
मागे राहिलेल्या नात्यांसारखे.

मग जो तो करतो;
केविलवाणा प्रयत्न,
एकटेपणावर उत्तर शोधण्याचा.
खरंतर नाती असूनही नसतात;
असते ते आपले
गर्दीतले एकटेपण !